الرئيسية » الأسرة و البيت » نصائح افكار تجارب حلول كل شيء على وصفات منزلية

نصائح افكار تجارب حلول كل شيء على وصفات منزلية

اليك اختي مجموعة من الافكار والتجارب والنصائح والحلول المنزلية حتى تكوني ربة بيت ناجحة و منظمة….

بسم الله

الموضوع بالدارجة المغربية اخواتي منقول لعيونكن اي سؤال يا اهلا وسهلا

images (3)
1-باش الرفيسة تجي بنينة زيدي فيها كركوبديال الثومة بلا متقشريها كتعطيها لدة هائلة

2-ملي نطيبو الدجاج محمر وباش المرقة تجي معسلة ومدغمرة زيدي قطرات الخل فالطنجرة ونتي كتحكي قاع الطنجرة بمغرفة العود متجي المرقة معلكة وغزالة

3-ملي نبغو نطيبو اللوبيا البيضا نضيفو 3 وريقات ازير كتجي لديدة ومكضرش مالين المعدة

4- ملي كنكون كنطيب المسمن او الملوي ديال المقلة فقط المرة الاولى فاش كنرش المقلة بالزيت وغي نرمي المسمنة نرشها ونقلبه ونبقا نقلب ونشقلب هههه هدا هو السر باش كيجي مورق ومحلول وناشف من الادام كيجي غزال ولديد وراجلي مبقاش باغي يشري ديال الزنقة هههه

5- ملي نكون نقلي الحوت كندوزو فالطحين وفالما باش ميطلقش الطحين فالزيت

Untitled-1

6 باش الكيك ميلصقش لينا كندهن المول بالزيت والطحين وندخلو للكونجلاتور عاد نحضر الكيكة ملي كطيب ونزولها كيبقى المول نقي ومفيه حتى فرتيتة ومرات الى كانت الكيكة ديالي عادية كندهن المول بالزيت ونرش الكوك مطحون فبلاصة الطحين ملي كطيب الكيكة كيتحمر داك لكوك وكيعطيني نسمة غزالة اما الى كانت الكيكة ديالي كحلة كندهن المول ونرش الكاكاو باش متجينيش الكيكة شهبة من التحت وليلا بغيت الكيكة تجيني خفيفة بحال ديال الجنواز كنزيد فالخليط كاس ما سخون ونا كنطرب كتجي هشيشة وعالية وخ كندير فيها غي 2 بيضات والدقيق ضروري مغربل 2 مرات وكندخلها لفران بارد كتجي روعة

7-الحريرة الى بغيتي يشموها الجيران ولكن عنداك مدوقيهمش ههههه ديري مع القوام للي موالفةراس معلقة صغيرة ديال الكون وراس معلقة صغيرة ديال القرفةمتكتريش كتجي روعة ومداق لديد

بغيتو الكريصات او اي معجنات يجيو بحال القطن يعني رطبين خلي العجين تخمر و فين ما تبان ليك طلعات هبطيها بايدك و هكدا شي ثلاتة المرات و فيالخير خليها تخمر شوية و شكليها عاد خليها تخمر تاني و دخليها الفرن كيجيو هائلين

shmok3net_1389792378_245

-الى بغيتو الزاج والمرايات يوليو يلمعو بحال عاد شريتوهم نظفوهم بالتشليلة ديال اتاي غمسو طرف ديال الجورنال فكاس ديال التشليلة ومسحو الزاج وعاودو بطرف الجورنال ناشف والله حتى تبهركم النتيجة

الى بغيتي تبهري ضيوفك من بعد متصبني السجادات ديال الصلاة خططيهم مزيان بطريف ديال المسك من النوع الجيد ولويهم وجمعيهم فبلاستيكات ملي يحلها الضيف غدي يدوخ بالريحة العطرة هههه

لاشاس ديال الحمام ديري فيها طريف ديال البونج مفزك بشي بارفان رخيص من دوك ديال 20 درهم او شي بان دوش ديال الشمال كل مرة حل الضيف لاشاس كيخلعوه الرغاوي المعطرة

– ملي تكون عندك شي عراضة هتمي بالحمام والطواليط ملي تكملي الحكان ديالهم ديري شي رشاش ورشي سانيكروا على الحيوط لان الحيوط كيشدو الروائح فينما تحلي الباب تشمي ريحة غزالة يتبع بحول الله

-لالة الهريسة مهمة فالبيت ملي كنبغي نحتافظ على شي حاجة ديال الصوف من التونية بحال جلالب او زرابي وراكم عارفين الجو ديال مراكش فالصيف هههه كنرش الهريسة على الحوايج للي بغيت نحتافظ عليهم ونطويهم ونجمعم فبلاستيكات مكتوصلهم حتى حاجة

2- ملي نبغي نغسل الدجاج باش نحيد كاع الدم للي كيكون فالجوف ديال الدجاجة كنرقدها فالما والهريسة تكون شوي كتيرة ونخليها واحد المدة حتى كطلق كاع الريوك ومن بعد نحكها بالملحة والحامض وسكنجبير كتولي كتشعل3- باش تجي الماكلة بنينة كنزيد معلقة ديال الهريسة فاللحم والدجاج وسكسو4- وهدي للي حمقاتني كنعمل فقرعة الهريسة حتى لنص ونكمل عليها فالزيت البلدية وندير القرعة فالبان ماري على عافية مهيلة مدة نص ساعة كل نهار مدة 3 ايام ملي نكمل 3 ايام نخبي القرعة

ايام فمكان مظلم ونبقى من بعد ندير بيها مساج صالحة للبرد فالمفاصل والروماتيزم ونا كان كيضرني عنقي الى كترت القعدة فالبيسي او ماكينة الخياطة غي ندهن عنقي وندير شال سخون ونحس بالراحة اوا طهلاو فلالة الهريسةههههه

-الى بغيتي تزندي الفاخر بكل سهولة وجهي ليه السيشوار بلا عداب ديال سوط سوط 2- والى كنت كتقلي الحوت ومبغيتيش تبقا الريحة فالدار رمي فالمقلة للي كتقلي فيها حبيبات ديال الزيتون كيمتصو كل الروائح

صابون الماعن اي نوع كنضيف عليه صابون البلدي كيخلي الماعن كيشعلو بالنقاوة وكيقضي على ريحة الزفورة وكيقتاصد على الجويب وكنحك بيه حتى الزليج كيرضو كيشعل

الطروفة ديال صابون الحجرة للي كيبقاو شايطين ديريهم فشي طاسة وكبي عليهم الما الطايب وجافيل وشوي التيد وحكي بيهم الحمام والطواليط والوبينيات كلشي كيخرج كيشعل

9-لى تبيريما لك شي كريم ديال اليدين او الجسم مسحي بيه العود بعدما تزولي منو الغبرة كيرجع بحال الى درتي ليه الفيرني 2- الفازلين مسحي بيها الصبابط كتردهم كيضوو حسن من السيراج

-دبا سخن الحال ليبوط دياولي باش ميتهرسوش دخلت فكل رجل قرعة ديال سيدي علي يلبسوهم لي حتى يعاود يبرد الحال ههههه

11-لسر باش كتجي الشباكية واعرة كنزيد فيها شوي ديال سكنجبير وطريطقة ديال الخميرة المعجنة

12- الصابلي كنسمو بالكوك محمر ومطحون كيجي غزال

13- كنظيف واحد بيرلي مسوس على الكريم الشانتي ونعمر بيه حلويات السواري

14- فالطبقة الاخيرة ديال حلوة لاكريم نضيف شوي الناباج على الشانتي وندهن وجة الحلوى كيعطيها لمعة ولدة

15- ملي نبغي ندوب الشكلاط فالبان ماري كندير الشكلاط مع معلقة ديال الزيت فكاصرونة كبيرة والما فكاصرونة صغر من الاولى باش نضمن ان الما ميدخلش للشكلاط ويفسدو لي

16- سفة مفورة فرمشة عين كنديرالما فالبرمة يغلي مزيان تم نرمي السفة من نوع جيد ونخليها واحد 10 الدقايق ملي ترطاب نصفيها ونغسلها مزيان بالما ونخليها تقطر مزيان تم نهزها وندهنها بالزبدة ونرشها بالملح ونرجعها تفور مرة اخري غيشوي ونقدمها كتجي روعة

17بالنسبة للمرقة الى بغيتيها تجيك بنينة مديريش الزيت من الاول خلي اللحم او الدجاج يتشحر مع القوام وشوي الما حتى يتشحرو مزيان ويتبدل اللون ديال اللحم عاد زيدي الزيت وقلي الكل عاودتاني مزيان عاد مرقي القياس متكتريش باش متجيكش الماكلة باسلة وبالتوفيق عزيزتي

18-النسبة للربيع باش يتقطع لك بسهولة رشيه بشوي الزيت باش تتجمع ليه شعكاكتو وكيجي ساهل فالتكراض ورقيق ومرات كنقطعو عادي ونجمعو فقرعة بغطاها ونديرها فالتلاجة كيبقى مدة طويلة ومكيخسرش غي ملي نبغو نهزوه خاص تكون الملعقة ناشفة باش متوصلوش الرطوبة ويتعفن والى كانت عندي كمية كثيرة بحال دابا قريب رمضان كنعملو فالمكينة الكاطو ونخرجو ونسرحو فبلاطو فالمجمد حتى ييبس ونجمعو كيجي منيل غزال

19-الى كانت عندي شي عراضةكنعمل فوطة كبيرة مخصصاها لهد الغرض كنعملها فوق البوطاجي وكنحط فوقها الماعن للي غسلت مكنجي فين نكمل حتى كنلقاهم نشفو وخصوصا الطباسل للي كنكون موقفة مع الحيط وكنهزهم كيضوو بلا تمارة ديال المسيح والى كانو الضياف باقيين كالسين كنجمع الماعن فبانيو كبير ونكب عليهم الما والصابون وصابون البلدي وجافيل والله بحال الى درتهم فالغسالة الاوتاماتيكية كناخد راحتي فالهضرة والغسالة خدامة هههه


19- باش نحكو الاواني الفضة نحكهم بالجيكس ناشف مع الملحة وكاينة طريقة خرى من عند نهاد الصنهاجي غزالة كندهن الاواني بالخميرة الحمرا ديال الحلوى ونخليها شوي ونرجع نحكها غي بشي زويف حرش وكيخرجو كيشعلو والله بلا تمارة والنتيجة روعة وحتى الاواني ديال النحاس كنحكهم غي بالجيكس ناشف كيخرج غزال2

20- الطرموسات كنغسلهم بالما الطايب وملي ينشفو وكنعمل فالداخل عويدات القرفة اوحبات القرنفل ونسدهم حتى نبغيهم

21-ملي كنشرو شي ماعن جداد مكتبغيش تحيد منهم التيكيت خصوصا الكيسان كندهنهم بزيت العود كيتحيدو بسهولة اما الى عندكم شي كيسان فيهم الطراس ديال التيكيت مسحوهم بالما ديال الصباغة الظفارولي عودة ان شاء الله

22-كنغلف الطبسيل للي كندير فيه الطحين ملي نبغي نقلي الحوت بالبلاستيك ملي نكمل القلي كنحيد البلاستيك نرميه والطبسيل كيبقى نقي غي تشليلة خفيفة وهانتي هانية

23-مولينكس كندير فيها الما دافي وصابون الماعن وشوي الخل ونشعلها كتخرج كتلمع وملي كيحفى ليها الموس كنطحن فيها مكعبات ديال الثلج كترجع ماضية اما الكاس فاش كنطحن العطرية باش نزول منو الريحة كنطحن كسرة ديال الخبز يابسة وها الريحة مشات

24-ملي كنبغي نصبن الردوات فالماكينة ديال الصابون كنطوي كل ريدو على 4 بهد الطريقة كنضمن انهم ميتكمشوش وميحتاجوش المصلوح وعلى فكرة انا ديما كنشعل المكينة بالليل معمري شعلتها بنهار باش نقتاصد على الضو وهدي نصيحة كنت شفتها فبرنامج امريكي قلك الماكن للي كيستهلكو الضو يخدمو بالليل باش تجي الفاتورة مرخفة ههههه

25-ملي كنبغي نحك الفرماج الحمر فالحكاكة كندهنها بالزيت العادية ونحك الفرماج ديالي هد الطريقة متخليهش يلصق نهائيا فالحكاكة

26- ملي نبغي نفيض الحليب فالكاصرونة نزيد معاه ملعقة ديال الما مكيلصقش فالكاصرونة

27- وباش ميفيضش الحليب او اي حاجة درتها طيب فالكاصرونة نعمل ملعقة ديال العود فوق الكاصرونة تتوصل الكشكوشة حتى الفوق وكتحبس هههه

28- ملي نبغي نطيب طاجين الحوت مكنمرقوش كنستف فوق منو اوراق الكرنب ونعمل فوقو مصيرة او حامضة كيطلق الما مصاحب بالحامض فعوض الما العادي كيجي روعة وحتى لطاجين ديال الخضرة والله حتى تاكلو صبعانكم هههه

29 كنحتافض بالليمون والسيتخون حيح فالفريكو ملي نبغي العصير نجبدو يترخف ونعصرو كيجي ساهل ومكتبقا فيه حتى قطرة غي جلدو على عظمو ههههه

30-باش نحتافظ على الجهد ديال العطرية كنعملها فالتلاجة هي والقهوة

31 اما واحد الاخت هنايا الله يجازيها بخير هي للي وراتنا كيفاش كتعمر اتاي والله الى وليت حرايفية فيه بفضلها من بعد الله كتكب فالبراد كاس الما طايبمع اتاي وكتششلل وتحتافض بيه عاد كنشللو اتاي عادي ونكبو التشليلة ونزيدو النعناع انا عندي ضروري ونقطعوه بين يدينا باش يخرج الجهد ديالو بحال كنعصرو شي حاجة عاد التخالط والسكر ونكب داك الكاس الاول للي نقصناونردو يتشحر على المهل والبوطة بحال بغات تطفى حتا يولي كلشي كيغوت واش هد اتاي باقي مجايش وينوضو فيهم الهوايش ههههه كيجي رائع

تعليقات من فيسبوك

تعليقات

اضف رد

لن يتم نشر البريد الإلكتروني . الحقول المطلوبة مشار لها بـ *

*

nine + 10 =